I år fyller Logolink heile 18 år, og det skjer store ting om dagen!  

I 2025 gjennomfører Logolink eit eigarskifte. Etter 40 år i bransjen går Inge Draugsvoll, som starta Logolink saman med Anne-May Hofseth, inn i pensjonisttilværet. No er det Anne-May Hofseth og Kristoffer Larsen som eig og styrer verksemda vidare inn i framtida.

Kristoffer er oppvaksen i Oslo, men har gifta seg med ei frå Voss og busett seg på Palmafossen. Han har blitt partnar i Logolink og har brei erfaring frå designbransjen. Før han flytta til Voss, arbeidde han i både Oslo og Bergen med digitale løysingar for både private og offentlege verksemder. Sidan oppstarten i 2007 har Logolink levert design- og kommunikasjonsløysingar, grafisk design, profilering, trykk, skilt og digitale tenester til kundar på Voss og i regionen.

I år markerer me 18 år med drift. Som ein del av den digitale satsinga ønskjer me Magnar Lussand Selheim velkommen på laget. Magnar er tilsett som utviklar og vil bidra til å løfte satsinga vidare. Framover vil vi ha fokus på å tilby design- og digitale tenester til både lokale og nasjonale kundar. Logolink vil framleis bidra med kreativitet og engasjement i bygda. Etter 18 år på Vossevangen kjenner me marknaden godt og er oppdaterte på lokale behov.

Har du ei utfordring til oss? Velkomen innom kontoret for ein prat!